Samfélagsleg ábyrgð

Stefna um sjálfbæra þróun og samfélagslega ábyrgð

Sjálfbær þróun er þróun sem mætir þörfum nútímans án þess að skerða möguleika komandi kynslóða á að mæta þörfum sínum.

Höldur ehf. leggur áherslu á að starfsemin sé í sátt við samfélagið og umhverfið í heild. Fyrirtækið leggur sig fram við að leita stöðugt leiða til umbóta í átt að sjálfbærni og vill þannig axla ábyrgð á þeim áhrifum sem rekstur fyrirtækisins hefur. Með það að leiðarljósi greinir fyrirtækið áhrif sín á umhverfið, félagslega þætti og stjórnarhætti og vinnur að því að draga úr neikvæðum áhrifum og auka þau jákvæðu áhrif sem reksturinn hefur á innra og ytra umhverfi sitt.

Fyrirtækið leggur ekki aðeins áherslu að auka sjálfbærni í sinni kjarnastarfsemi heldur vill fyrirtækið leggja sitt af mörkum til að auka sjálfbærni í samfélaginu í heild, m.a. með því að vera leiðandi í orkuskiptum í samgöngum á landi.

Umhverfisþættir

Höldur leggur áherslu á ábyrga nýtingu auðlinda og lágmörkun úrgangs og losun gróðurhúsalofttegunda. Fyrirtækið vinnur að stöðugum umbótum í umhverfismálum til að lágmarka umhverfisáhrif af rekstri fyrirtækisins.

• Höldur setur sér árleg markmið um hlutfallslega aukningu hreinorkubíla í bílaflota sínum.
  
  
• Höldur flokkar úrgang og spilliefni sem til falla hjá fyrirtækinu.
  
  
• Höldur stuðlar að aukinni umhverfisvitund starfsfólks.
  
  
• Starfsfólk Hölds vinnur að landgræðslu með árlegri gróðursetningu.
  
  

Félagslegir þættir

Höldur kappkostar að vera framúrskarandi vinnustaður þar sem umhyggja er borin fyrir sérhverjum starfsmanni. Með áherslu á jafnrétti, jafna möguleika til starfsþróunar og uppbyggilega fyrirtækjamenningu er skapaður eftirsóknarverður og samheldinn vinnustaður. Starfsfólk, þekking þeirra, færni og reynsla er verðmætasti auður félagsins. Fyrirtækið er með höfuðstöðvar sínar á Akureyri og starfsemi um land allt og mun áfram bjóða uppá starfstækifæri á landsbyggðinni og styðja við nærumhverfi sitt.

• Höldur sýnir samfélagslega ábyrgð í verki gagnvart starfsfólki, viðskiptavinum og samfélaginu í heild.
  
  
• Höldur vinnur markvisst að því að tryggja öryggi og efla heilbrigði starfsfólks.
  
  
• Höldur hafnar öllu misrétti og leggur áherslu á að allt starfsfólk búi við jöfn réttindi og tækifæri innan fyrirtækisins.
  
  
• Höldur ætlar að auka hlut kvenna innan fyrirtækisins og viðhalda launajafnrétti.
  
  
• Höldur leggur áherslu á forvarnir og öryggi í samgöngum og nýtir stafræna tækni í upplýsingagjöf til viðskiptavina.
  
  
• Höldur styður dyggilega við bakið á íþrótta- og menningarstarfi um land allt.
  
  

Stjórnarhættir

Höldur leggur áherslu á góða stjórnarhætti sem og hagkvæma og ábyrga nýtingu fjármagns. Stjórnendur og starfsfólk skulu viðhafa gott viðskiptasiðferði gagnvart viðskiptavinum, birgjum og öðrum hagsmunaaðilum. Traust og gott orðspor er félaginu mikilvægt. Góðir viðskiptahættir, virðing og hlíting laga og reglugerða eru þau grunngildi sem verklag félagsins byggir á.

• Höldur mun gefa út árlega sjálfbærniskýrslu.
  
  
• Höldur ætlar að skoða samstarf við birgja með sjálfbærni i huga.
  
  

Höldur vill sýna gott fordæmi í verki með því að vera leiðandi í orkuskiptum og umhverfismálum. Höldur vill tryggja fjölbreytt störf um land allt og skapa heilbrigt starfsumhverfi sem byggir á jafnrétti, virðingu og sterkri liðsheild.

Heimsmarkmið Sameinuðu þjóðanna um sjálfbæra þróun varða leiðina að bættum heimi. Lögð verður áhersla á að samþætta Heimsmarkmiðin við starfsemi fyrirtækisins.

Kjarnamarkmið Hölds eru:

Stjórn félagsins samþykkir stefnuna og ber jafnframt ábyrgð á reglulegri endurskoðun hennar. Forstjóri er ábyrgur fyrir framkvæmd stefnunnar og hefur ásamt framkvæmdaráði félagsins yfirumsjón með sjálfbærniverkefnum.

 

Árangur stefnumiða og markmiða Hölds árið 2024

 

Aðgerðir í loftlagsmálum

---

Ábyrg neysla

---

Jafnrétti kynjanna

---

 Heilsa og vellíðan

---

Mannréttindi og viðskiptasiðferði

---

Mótvægisaðgerðir

---

 

 

Sjálfbærniskýrsla Hölds 2023

 

Umhverfið

Umhverfisstefna Bílaleigu Akureyrar

Okkur hjá Höldi er mikilvægt að starfsemi fyrirtækisins sé í sátt við samfélagið og umhverfið í heild. Við vinnum því að stöðugum umbótum í umhverfismálum til að draga úr neikvæðum áhrifum og lágmarka losun gróðurhúsalofttegunda.

Höldur leggur áherslu á ábyrga nýtingu auðlinda, orkuskipti í samgöngum, lágmörkun úrgangs, flokkun til endurvinnslu og virðingu við náttúru landsins. Þá stuðlum við að aukinni þekkingu og umhverfisvitund starfsfólks og beitum okkur fyrir uppbyggilegri umræðu um orkuskipti, umhverfis-og loftlagsmál á opinberum vettvangi.

Við tökum þátt í mótvægisaðgerðum sem stuðla að kolefnisbindingu og endurheimt vistkerfa, m.a. með eigin gróðursetningu. Þá kynnum við niðurstöður umhverfisuppgjörs í árlegri sjálfbærniskýrslu sem lið í gagnsæi.

Framtíðarsýn okkar er kolefnishlutleysi og sjálfbær rekstur sem tekur mið af hringrásarhagkerfi og umhyggju fyrir náttúrunni.

 

Umhverfisskýrsla 2022

Umhverfisskýrsla 2021

Umhverfisskýrsla 2020

 

 

Ábyrg ferðaþjónusta

Eins og fram kemur í umhverfisstefnu fyrirtækisins er Bílaleigu Akureyrar mikilvægt að starfsemi fyrirtækisins sé í sátt við samfélagið og umhverfið í heild. Við leggjum okkur fram við að leita stöðugt leiða til umbóta í átt að sjálfbærni og viljum þannig axla ábyrgð á þeim áhrifum sem rekstur fyrirtækisins hefur á samfélagið og umhverfið.

Við tökum virkan þátt í verkefnum innan ferðaþjónustunnar sem varða öryggi ferðamanna, umhverfismál og samfélagslega ábyrgð. Ábyrg ferðaþjónusta er eitt þessara en því er stýrt af Íslenska ferðaklasanum í samstarfi við Samtök ferðaþjónustunnar og fleiri aðila en verkefnið miðar að því að stuðla að sjálfbærni og samfélagslegri ábyrgð í íslenskri ferðaþjónustu með áherslu á verndun náttúrunnar, öryggi gesta, virðingu fyrir réttindum starfsfólks og jákvæðum áhrifum á nærsamfélögin.

Þátttaka í verkefninu gefur okkur hjá Bílaleigu Akureyrar tækifæri til að þróa áherslur okkar í ábyrgri ferðaþjónustu enn frekar og um leið erum við hluti af stærri heild, ferðaþjónustu sem leggur áherslu á ábyrga starfshætti og sjálfbærni í rekstri.