Höldur gróðursetur 1000 tré í landi Golfklúbbs Akureyrar

Steingrímur og Bjarni við afhendinguna

Í lokahófi Volkswagen Open sem fram fór á Jaðarsvelli dagana 24. – 25. ágúst afhenti Steingrímur Birgisson forsjóri Hölds Bjarna Þórhallssyni formanni GA gjafabréf sem hljóðar upp á 1000 tré. Tré þessi verða gróðursett af starfsfólki Hölds í landi GA á haustdögum 2018.

Upphaf gróðursetningar í nafni fyrirtækisins má rekja allt aftur til ársins 1995 en alls hefur starfsfólk Hölds gróðursett rúmlega 20000 plöntur á þessum tíma. Flest tré hafa verið gróðursett á Hólasandi í Þingeyjarsýslu en undanfarið hefur fyrirtækið einbeitt sér að gróðursetningu víða í nærumhverfi sínu, meðal annars á Akureyri.