Nýr bílaflutningabíll hjá Höldi - Bílaleigu Akureyrar

Bíllinn er með Rolfo ábyggingu fyrir flutning á allt að 5 bílum

Höldur-Bílaleiga Akureyrar hefur tekið í notkun nýjan og glæsilegan bílaflutningabíl af gerðinni Mercedes Benz Actros. Um er að ræða 8 hjóla grindarbíl með loftfjöðrun á fram- og afturás. Bíllinn er með Rolfo ábyggingu fyrir flutning á allt að 5 bílum.

Bíllinn verður aðallega notaður í að ferja bílaleigubíla á milli Keflavíkurflugvallar og Reykjavíkur.

Á meðfylgjandi mynd má sjá starfsmenn Bílaleigu Akureyrar, þá Kristófer Vilhjálmsson, Björn Grétar Jónsson og Birki Orra Jóhannsson taka á móti þessum glæsilega bíl frá Landfara, umboðsaðila Mercedes Benz vöru- og hópferðabíla á Íslandi.